Weihnachtsgrüße vom Münchner-Gächada Stammdisch

Zum "Warmlaufen" für den anstehenden Abend wurde über den Gächada 58er-/59er-Jahrgang geredet. Ab dem 59er-Jahrgang war es so, dass die 1. und 2. Schulklasse noch in Geigant war; dann anschließend ab der 3. Klasse in Zillendorf zur Schule gegangen wurde (mit Buseinsätzen).

Eugen Gottswinter erzählte auch von einem "Oberpfälzer Treffen" in München, welches immer jährlich am 1. Sonntag nach Allerheiligen stattfindet; es wird eine Messe zelebriert im "Alten Peter" beim Viktualienmarkt. Der Pfarrer kommt dann auch gleich mit von da unten, der dann auch die Messe abhält. Anschließend wird zu Mittag gegessen im Hofbräuhaus; wo dann auch eine Sitzweil organisiert wird. Ausgerichtet wird das jährliche Treffen immer durch andere Landsmannschaften; heuer war Hirschau an der Reihe. Ein paar weitere Gesprächsthemen folgen später noch, da wir ja als Hauptthema wie oben bereits erwähnt, der "boarische Dialekt" war. Der Grund hierfür war, dass wir diesmal einen besonderen Gast in unserer Mitte begrüßen durften, den unser Schütz'n Walter einmal getroffen hat, und von unserem "Gächada Quartals-Stammtisch-Treffen" erzählte. Bei diesem Gast handelte es sich um keinen Geringeren als "Horst Münzinger" aus München.

Horst ist in München; Umkreis von München und darüber hinaus auch bis zum Allgäu; Franken, etc. bestens bekannt; Horst ist auch öfters mal in der Presse zu bewundern als auch im Bayerischen Fernsehen. Horst ist nämlich Buchautor und 1. Vorsitzender des "Förderverein Bairische Sprache und Dialekte e.V." (FBSD) - aktiv in Oberbayern, Niederbayern und der Oberpfalz. http://www.fbsd.de/ Sein größtes Anliegen (und des Vereins) ist die Erhaltung der bairischen Sprache und der unterschiedlichen Dialekte in Bayern. Tja - da war er natürlich bei uns vollkommen richtig und deswegen wechseln wir jetzt zu unserem "Owapfölza und Gächada Heimatdialekt";

fia Preißn wiad's ejtz grass....... !!! ------------------------

Im Schdamdisch-Greis had ma des Gfühl khat, das oana beßa "balt" had (gebellt) als da Andere; mia han alle iwa uns aßegwochsn; um dem Horst zom zoing, wos mia alle draaf ham.

Zruck ejtza zom Hoast (Horst): Ea fiad an Vorein o mit zwischnzädle 3.500 Midglieda, dea de bairische Schbraach mid feadat. Ea - da Hoast (fraale a dea Vorein) - fangt scho aktiv o in de Kindagoatn und Schuln; Erzieherinnen und Leahra oawan da gaud zsam. Es git sogoa lt. Hoast's Vozühlungen a Kindageadnarin aas Bealin, de akribisch und mid Fräd vosoucht, des "Bairische" zum leana (Zusatz vom Autor: so guad ihre Gsichtsmuskulatur midschbüld). Dazou wean a "Bairisch-Kuase" in de Volkshauchschuln" obon; wau a d "Münzinga" saane Kuase had; da is allahand vodrehn; sogoa Japana vosouchanse im "Bairischn" - oläg......

Wennma bedenkt, dass komplett voschiedne Dialekte vo uns dahoam git; a wenn's nächsde Doaf blos oanahal Külomeda wäd vo Gächad weg is (z.B. Katzbach, da Roßhof); oda a Gläßnbeach. Owa no grassa is o in unsam Gächad salwa; voglächt ma des "Owane Doaf" (wa da Giaglmichl Robert oschdammt); mid dem "Undan Doaf" (Schützn Walter); de "Hahna-Boum" han genau in da Mid drin.

So - ejtz wieda zruck zom Thema und Hoast: Großöldan/Öldan animian scho iahre Änklkinda/Kinda zom daleana des bairischn Dialekts. Wenn ma bedänkt, daß in de 70ga Joahn "bairisch" in de Schuln z’Micha herom vobon gwen is (lt. Aussage Hoast); ma kon's niad glaam. Des earinnadme a an mei Zäd in da Schul in Gächad; da is' genau umkheat gwen; mia had'n damals äxdra Undarichtsschdundn, um "Hochdeitsch" zom leana; ejtz is' genau umkheada; ejtz gits wohl Äxdraschdundn in da Schul wecha "bairischn Dialekt"; oafach unglable; wej se in so kuaza Zäd allas ändan ko. So is ja a mid da "Deitschn Schriifd" gwen; weg; oafach wega..... Hoast und saane Voreinskolleng und Kolleginna mocha a vül Voadrach in andane Voreinan; und des allas ehrnamdlich.

A zusätlicha Vosouch is gmochd woan; in de Wiatshäsan Schbeißkoadna a in "bairisch" ozubiedn; da dazou gits a an Fleia (Flyer - Sprachführer für Wirtsleut); bloß, da had's a a längan Dischkuas gem, daß es vo uns in Gächad und Umgebung vo de (hochdeitsch) Pfifferlingen "Reihgois" hoißn; und niad wej iagandwa andas in da Owapfalz "Eierschwammerl"; na ja, so had hold jeds "Gei" san Dialekt wej scho a mol awähnt. Zo ana bairischn Wiadschaft khean a nadürle a bairische Owa/Owarinnen; des is bloß in da hedichn Zäd fast nimma meglich, kwalifiziade und original bairische Bedienungan zum grejng; und nacha no im Autfit inam Diandl und/oda Ledahosn; scho echd gwehnungsbediafde. Oh mei, is des schej; in Gächad wiadma no in alln Wiadshäsan no "bayuwarisch" bedient; hoffentle bläbt's a a so..... ------------------------

Nacha gema wieda iwa aaf des, wos mia sist no allas gschmaatzt ham; a Schmaatz is a s'Oktowafest gwen; heia hadma fast allawaal no an Blootz im Zölt grejgd; ma had eigentlich draasd niad oschdej mejßn; so iß wenigstns gsagt woan. Nacha is iwa de Greiß vom Bia gschmaatzt woan; daß a Schnitt (z.B. z'Micha) vo uns dahoam entweda a "Pfiiff" oder a a "Quartl" gsagt wiad.; des "Spezi" is vo uns a "Quasch" und fraale, unsane "Plastiktüten" bekanntlich a "Rogl".

Vom Niedaschräm des Berichts ejtza is mia so richde bewußt woan, wej schdolz mia (Gächada Schdammdisch) und alle Gächada/Umgebler aaf unsan Dialekt sa kina. Tja, da is no a Beidrach vom Hahner Arnold gwen aas sana Jugendzäd, dass sei Vada (Georg vulgo "Schorsch") allawaal dazou gstandn is - Zitat: "Hos'n mid Niadn (Nieten) kema mia niad in's Haas" - Zitat Ende - einfach bloß schej. A san zom greißdn Daal Schbüle im Fräa vogeßn woan; wea kennt denn no vo de junga Genaration des "Hupfaless"; "Keilerless"; Wappln; oder sogoa no des "Platschgen (Hufäsn oda Äsnring weafa; so ähnlich wej s'Äsdogschejßn). Ja - so vogeit de Zäd; hed hoggan's alle voam Compiuda; loonse Schbüle aaf's Händy; flagga im Bett.......

Mia vom Schdamdisch han uns aaf jedn Fall glächa Meinung gwen, wej gean mia zruckdenga an unsane Jugendzäd; trotz schdrenga Eaziehung a glickle gwen han. Trotzdem mou gsagt wean, daß ohne Indanet iah liam Gächada und Umgebler, den Bericht ejtza niad les'n kanndads.

Des soll ejtza desweng s'Ände vom 12. Gächada Schdamdischdreffa sa; niad ohne zsum sang, Eng allnan dahoam vo uns allnan vom Schdamdisch no a resdliche "Schejne Advendszäd"; a schejns Wähnachdn und ejtza scho a "Guads Neis Joah 2018" zo winschn. Es heads oda lest's wieda vo uns umara Mäaz 2018; Eugen Gottswinter is desmol da "Schdamdisch-Schüldl-Vowalter" und wiad s'nächsde Dreffa organisian. A mächdma zom (Horst) Hoast Münzinger "hawadere" und "Vogölts Good" sang; Du bisd a super tolle Bereicharung in unsana Rundn gwen.

Pfüad Eich; seawus und bis zom nächsdn mol. Eia "Gächada Schdamdisch" aas Micha om. -------------- Daß desmol bairisch gschriem woan is - douds uns niad schimpfa, douds uns lejwa lom. Mia han koi Holzschädl, de ma doud glom. Mia hoffa, es had Schbaß Eich gmocht, habd's griwld, denkt und glocht. Mia han schdolz aaf des wos mia han, mia Gächada-Schdammdisch - des deafts glam. Mochd's Eich koi Soang da untn mid Gächada Bluad, z'Micha herom uns allnan geits guad.

Girglmichl Robert